18/2/07

VERSOS PARA J.R.T. (IN MEMORIAM)

Voaches sen ás,
durmiches sen sono,
marchaches tan só,
marchaches con todo;
deixáchenos noite
e faiscas nos ollos.
Deixáchenos noite,
pechaches fiestras,
marchaches cós pétalos
-non foi primavera-,
prendiches silencios,
calaches trompetas.
Deixáchenos sós
baixo as estrelas.

1 comentario:

A Conxurada dijo...

É un poema moi fermoso, obrigada por traerme até aquí.
Eu se algo aprendín con todo isto é que non hai mortes que doian menos, non importa que sexa anunciada ou que aconteza de sócato.